Nesta
semana dúas persoas
máis que participaron en mobilizacións cidadás en apoio ao dereito
á vivenda e en protesta contra os recortes sociais veñen de recibir
propostas de sanción por
parte da Subdelegación do Goberno na Coruña.
Con
estas dúas son xa un total de 13 as persoas
represaliadas pola Subdelegación do Goberno: tres que están
pendentes de xuízo por supostamente impedir o paso do camión de
bombeiros durante a tentativa de desafiuzamento de Aurelia Rey.
Vehículo que, por outra parte, e como é sabido, avanzou até diante
do portal.
Oito
persoas máis por supostamente instigar ás masas contra a policía
creando un clima de inseguridade cidadá durante dita tentativa de
desafiuzamento. Na que, folga dicir, a propia cidadanía foi a que
impediu unha “inseguridade”, como era o feito de que unha muller
de idade avanzada acabara na rúa.
E,
nestes días, dúas máis por, supostamente, negarse a
identificarse, se ben unha das persoas proporcionoulle ao axente que
o requiriu para indentificación, non só o seu número de DNI, senón
que mesmo amosoulle a tarxeta da Seguridade Social cos seus datos
persoais. A outra persoa portaba o seu DNI e directamente
presentoullo ao axente.
En
total, son aproximadamente 6.000€ os que o Estado quere
cobrarnos por ternos atrevido a denunciar publicamente que está a
aplicar de xeito consciente medidas políticas agresivas contra a
poboación para, co diñeiro que nos quita, poder seguir
financiando ás entidades bancarias que crearon esta crise, ao tempo
que continúan a alimentar a espectacular corrupción aniñada na
política española.
O
Concello da Coruña e a Subdelegación do Goberno na cidade,
seguindo as pautas de actuación do Goberno central do Partido
Popular, está a vulnerar sistemáticamente o dereito á liberdade
de expresión e manifestación, non só a través de prohibicións
e poñendo toda clase de absurdas trabas, senón a través da
coacción e o medo en forma tanto de violencia física
–despregando dotacións de antidisturbios ante a mínima
convocatoria de mobilización-, como económica, a través dun
sibilino goteo de sancións económicas que apuntan, precisamente,
aos colectivos de persoas que máis están sufrindo nestes momentos:
desempregadas, preferentistas, desafiuzadas…
Estas
sancións van máis aló de ser un castigo do Goberno a quenes
participamos habitualmente en mobilizacións sociais: é unha
volta de torca na súa estratexia do medo, da inseguridade, un
intento de amedrentar á cidadanía, de disuadirnos para que
esteamos caladas/os, para que non saiamos a rúas, para que non nos
organicemos para loitar contra a inxustiza. Por qué? Porque saben
que se nos unimos podemos facerlles fronte.
Pero
a sociedade civil non imos deixar de axudarnos entre nós. Non lles
temos medo, xa imos gañando algunha batalla contra este tipo de
artimañas do Goberno (a Delegación do Goberno en Madrid vén de ser
condenada por identificacións policiais indiscriminadas1)
e imos
reforzar a unión entre a cidadanía para facer fronte a estes
ataques.
Neste
sentido, o vindeiro xoves 11 de xullo, terá lugar ás
20.00hrs. no Obelisco unha concentración baixo o lema
“MÚLTANNOS
A NÓS PARA ASUSTARTE A TI” para denunciar a
represión da solidariedade que están a cometer o Concello da
Coruña e a Subdelegación do Goberno.
1“Delegación
de Gobierno, condenada por sancionar a un manifestante”, Diagonal.
Dispoñíbel en:
https://www.diagonalperiodico.net/m/18849
No hay comentarios:
Publicar un comentario