Dende STOP
Desafiuzamentos A Coruña seguimos a denunciar, unha semana despois
do intento de desafiuzamento de Elisabeth Sanles, a deixadez e
inoperancia das institucións, mesmo téndolles facilitado tódolos
mecanismos para activar canto antes unha solución:
- Contactouse hai máis de dous meses cos Servizos Sociais da Coruña para que puidesen actuar con tempo.
- Unha vez marcado o desafiuzamento, presentouse de emerxencia un recurso atendendo ó convenio entre a Xunta de Galicia, a FEGAMP e o Poder Xudicial (que o xuíz estimou que non tiña base legal para poder suspender o lanzamento, nen sequera a requerimento da Xunta).
- Tentouse, sen éxito, que o Servicio de Notificacións do Xulgado (SCACE) dera unha nova data para que Elisabeth e as institucións souberan con que tempo contaban.
- Presentouse un segundo recurso atendendo a precedentes marcados polo Tribunal Europeo de Dereitos Humanos ante casos de manifesta vulnerabilidade nos que se resolveu a suspensión temporal da execución namentres os organismos correspondentes traballaban para asegurar que as persoas afectadas non quedasen en situación de desamparo.
- Por último, tentouse un diálogo tanto coa Consellería de Traballo e Benestar coma coa asistenta social de Elisabeth para coñecer e valorar o proceso que deberían estar activando na procura dunha solución axeitada.
Ningunha destas vías
está obtendo a resposta urxente que a situación require, obrigando
a Elisabeth a pecharse na súa casa ante o medo a ser desafiuzada en
calquera momento. Dende STOP Desafiuzamentos a seguimos apoiando con
permanencias no portal, como un xeito tamén de visibilizar a
solidariedade contra a violencia estrutural constante.
Por iso no día de hoxe
organizamos unha timba poética como xeito de expresar creativamente
a nosa disconformidade co que está a suceder, e convocamos para mañá
a un magosto reivindicativo (20h) no portal de Antonio Noche 30 como
unha forma de celebrar a loita colectiva ante os abusos que vivimos
cada día.
No hay comentarios:
Publicar un comentario